Páginas

19.2.09

O Entroido

O Entroido chegou ao Colexio. Puntual, ledo, algareiro, trouleiro, festeiro...

Os alumnos e alumnas de sexto anúnciannos o tradicional pregón.

Traemos o pregón de Entroido,         

a mellor festa do ano.                   

Festa de andar pola rúa                

moi ledos/as disfrazados /as.           

O Entroido mandaranos,                

vir dous días antes,                        

a todos ben vestidos                     

con cousas extravagantes.             

Se vos gusta a troula                       

e disfrutades rindo,                   

vinde con nós                                 

pasar este día de circo.            

Haberá pallasos,                    

forzudos e bailarinas,                   

tigres e domadores                     

e tamén malabaristas.                   

Non faltarán os magos                    

nin tampouco os arlequíns                

e unha banda de música                   

que dará xenio oír.            

Comeremos as filloas                   

que as nais nos traerán                    

e queremos agradecerlles                  

o moito traballo que fan.                  

Ao Meco no medio do patio   

queimarémolo ao final.      

Meterémoslle petardos                 

para facelo estoupar.                 

Despois de que arda o Entroido, 

iremos a bailar.                             

Entre risas e asubíos          

disfrutaremos ata cansar.                 

O Entroido como fume vaise            

pero volverá o próximo ano.               

Con outros disfraces novos  

estarémolo agardando.                    

E subiremos ás clases                   

un pouco tristes e cansos,         

porque o próximo ano                   

nós non estaremos para celebralo.   

Alumnos de sexto