Ítaca, aula TIC: Que pasaba no mundo cando ti naciches?

En certa webquest, hai xa tempo, dicíase que o seu traballo sería realizado en grupos pequenos, e que se formarían atendendo ás instrucións que daría o profesor en cada momento. Cada grupo levaría a cabo a súa investigación de xeito libre e cooperativa, solicitando toda a axuda que fora necesaria. Claro que agora estamos CEIP Isaac Díaz Pardo e que todos somos, ao mesmo tempo, alumnos e profesores. En consecuencia, se vos apetece participar, a vosa misión única consistirá en resolver as tarefas que se indican a continuación, que vos permitirán achar determinada información online. Cun pouco de sorte, serviranvos para outros procesos de aprendizaxe que con toda certeza seredes capaces de imaxinar. Esas tarefas son:

1) Explicar o significado do teu nome, ou os nomes dos teus familiares e amigos. E, ademais, coñecer a distribución dos apelidos nas distintas comunidades do país. Así, se levas esta busca á aula, os teus alumnos poderán entender mellor o significado do seu propio nome, dos nomes dos seus pais, dos seus irmáns e amizades.

2) Descubrir que feitos se recordan ou se celebran no día e mes do teu nacemento. Se esta actividade se fai na escola, será moi grande a cantidade de historias sorprendentes que poden xurdir.

3) Descubrir algúns acontecementos sociais, políticos, ou culturais que sucederon na época da túa chegada ao mundo. Ou mesmo feitos científicos, como saber a disposición do Sistema Solar o día do noso nacemento. Para os nenos e adolescentes será unha forma divertida de coñecer a ciencia e historia máis contemporánea.

Tabla anual del siglo XX
Biografía del siglo XX
Cronología de la Guerra Fría
Cronología política de España: 1975-2000
Cronología General Iberoamericana Siglo XX
Cronología de las Sondas Especiales
Solar System Scope
Archivo El País
Hemeroteca ABC (búsqueda avanzada)
Hemeroteca La Vanguardia (búsqueda por palabras clave)
Biblioteca Virtual de Prensa Histórica

4) Encontrar personaxes ilustres ou con certa fama cos que compartas a túa mesma data de aniversario. Por exemplo, con ese mesmo requisito, aos alumnos pódeselles indicar que traten de encontrar moitos personaxes célebres, históricos ou actuais: actores, músicos, escritores, deportistas, políticos, etc. Sabendo a importancia que teñen o cine, a televisión e as redes sociais, o éxito está case garantido.

Famous Birthdays, ou o cumpreanos dos famosos (inglés)
Grandes Estrellas
Buscabiografías
Biografías y Vidas
Deportistas olímpicos
Ídolos deportivos
Biography (inglés)

5) Buscar os títulos de películas, de series ou programas de televisión, de cancións ou de libros, ou de videoxogos se é o caso, e que fosen moi populares durante o ano en que naciches. Encontra polo menos tres títulos que che suxiran algo que foi relevante na túa vida. O paso do tempo funciona de igual xeito, tanto para os profesores coma para o alumnado, pero aquí as nosas buscas serán un pouco máis longas...